The orang and the coconut (Part 2)

Lebih kurang pukol 8 malam, tibe terdengor lah suara orang tengoh neppik kegembiraan. Suara piyer lagi kalu bukan suara aku.
Aku berjaya beloh buoh nyiur sutir. Terima kasih banyyok ke tok laki aku hok wi tunjuk ajar ke aku cara2 nok beloh buoh nyiur.

Gini, mari lah aku ajor set2 mung hok sapa le ni dok reti2 lagi beloh buoh nyiur haha.

Pertama:
Amik buoh nyiur sutir. Bersedia lah dengan parang ke pisau besor ke...ikut panda awok lah nok paka alat bende2 pung.

Kedua:
Nok chop chop chop tuh kene tau mane dulu. Amik beloh bawoh nyiur tuh, bukan hok bercantum dgn tangka yer, tapi hok bawoh tuh.
Haa...kalu tengok mollek kang napok ade 3 bucu rupe yer mcm bonggol unta gitu.
Dengan parang hok ada di tangan tuh, katok (katok ke orang panggil?) bahagian bucu yer kuat2, pahtu buat peghheehh gitu (dok reti nok cerite guane) biar sabut2 yer tubek belaka dari buoh.
Ulang cara tu ke tiga2 bucu dan kat tengoh2 antara bucu, mudoh skit nok buang bahagian bawoh nyiur tuh. Sebab nok cari purung nih.

Ketiga:
Ulang cara yg sama ke sabut2 hok ada sapa lah parang tuh terkene bende kerah.

Haaa...baru tahu banyok mana sabut buoh nyiur, banyok owk? Bukan yer cacat, memang buoh nyiur jenis yer gitu. Darat sungguh aku sebelum ni, bende gitu pung dok tahu.

Bende kerah tu laa purung orang panggey. Bunyi yer pung pelik doh, bunyi macam dalam gitu.

Keempat:
Guna parang tuh katok sekuat2nya kat purung tuh, buat lah rupa segi 4 ke, bulat ke...kecik je, dalam seinci pung jadi doh...sapa lah buleh bukok bahagian purung tuh.

And then voila!
Amik ah straw sutir ke, nok tuang dalam gelah pung buleh. Kalu ade bunge orkid kaler ungu pung comey, macam minum kat hotel gitu.
And you may now enjoy your coconut drink!!!!! :)

Yeye! Aku beloh buoh nyiur! Dok sapa 10 minit pung. Air nyiur hok aku beloh tuh masyaAllah, sedap sungguh, lagi sedap dari biase, sayang pulok nok perabih, so aku letok dlm peti sejuk je lah.

Lepah tu, ape lagi, aku pung beloh lah sutir lagi....nok tunjuk panda dok panda nyer aku nih.

Tadi aku tengok ada la dlm 10 butir lagi buoh nyiur.
Kalu esok habis licin.....hmm.....dok tahu lah piyer rajin ngat gi beloh buoh nyiur.....